واپار ۽ صنعت واري نگران وفاقي وزير گوهر اعجاز چيو آهي ته پهرين آڪٽوبر کان پئٽرول بابت عوام کي خوشخبري ٻڌائي ويندي، ڊالر گهٽ ٿيڻ سان عوام کي رليف ملندو.
گورنر هائوس ڪراچي ۾ تقريب بعد ميڊيا سان ڳالهائيندي گوهر اعجاز چيو ته حڪومتي قدمن سبب ڊالر جو اگهه گهٽ ٿيو آهي.
هن چيو ته ڊالر مهانگو ٿيڻ سان پيئٽرول سميت سموريون شيون مهانگيون ٿنديون آهن، ڪرنسي مضبوط ٿيڻ سان قميتون به گهٽ ٿينديون.
نگران وفاقي وزير چيو ته ڪراچي جي واپاري برادريءَ سموري پاڪستان لاءِ اهم آهي.
گوهر اعجاز چيو ته سندن ذميواري آهي ته صنعت ۽ واپار جو خيال رکن، ڊالر گهٽ ٿيڻ سان عوام کي رليف ملندو، پر اهو نه ٿو ٿي سگهي ته سترهن ڊالرن ۾ گيس خريد ڪري چئن ڊالر ۾ ڏني وڃي.
نگران وفاقي وزير چيو ته اسپيشل انويسٽمينٽ فيسليٽيشن ڪائونسل ۾ سعودي عرب ۽ گڏيل عرب رياستن کان وڏي سيڙپڪاري اچي رهي آهي
