پ پ سنڌ جي صدر نثار کهڙي چيو آهي ته پيپلزپارٽي سنڌ جي پاڻي خلاف ڪا به سازش برداشت نه ڪندي.
ٽنڊي محمد خان ۾ پ پ جي ورڪر اجلاس کي خطاب ڪندي نثار کهڙي چيو ته ملڪي مفادن لاءِ وفاقي حڪومت جو حصو نه هجڻ باوجود پارليامينٽ ۾ پ پ حڪومت جي حمايت جاري رکندي.
هن چيو ته وفاقي حڪومت اين ايف سي يا ارڙهين ترميم بابت صوبن جي عوامي مفادن تحت پنهنجو موقف واضح ڪري.
سندس چوڻ هو ته 18 آڪٽوبر جو واقعو بينظير ڀٽو کي بم ڌماڪي ذريعي شهيد ڪرڻ جي سازش هئي.
نثار کهڙي چيو ته 18 آڪٽوبر واري ڏينهن تي حيدرآباد ۾ رٿيل تاريخي جلسي ۾ پ پ چيئرمين بلاول ڀٽو زرداري جي شرڪت کي لکن جي تعداد ۾ عوام آجيان ڪندي.
