- Advertisement -
26هين آئيني ترميم لاءِ ايم ڪيو ايم جو مسودو به سامهون اچي ويو آهي.
ايم ڪيو ايم طرفان مسودو وزيراعظم شهبازشريف کي پيش ڪري ڇڏيو.
مسودي ۾ آرٽيڪل 140 ۾ ترميم ذريعي نين مقامي حڪومتن جي نظام جي تجويز ڏني وئي آهي.
ايم ڪيو ايم پنجن وڏن شهرن کي ميٽرو پوليٽن شهر قرار ڏيڻ جي تجويز ڏني.
مسودي ۾ چيو ويو ته 50 لک کان وڌيڪ آباديءَ واري شهر کي ميٽرو پوليٽن شهر قرار ڏنو وڃي، مقامي حڪومتن جي چونڊ اليڪشن ڪميشن ڪرائيندي.
ايم ڪيو ايم جي تجويز ڪيل مسودي ۾ چيو ويو ته هر مقامي حڪومت پنجن ورهين لاءِ چونڊي ويندي، ميئر جي چونڊ سڌيءَ ريت ٿيندي، مقامي حڪومت وقت کان اڳ ختم ٿيڻ جي صورت ۾ نئيون چونڊون ٻن مهينن ۾ ڪرايون وڃن.- Advertisement -
