پيپلز پارٽي جي اميدوارن جي ڪاميابي صوبي جي عوام جي فتح آهي : مراد علي شاهه

سنڌ جي اڳوڻي وڏي وزير مراد علي شاهه سنڌ ۾ مڪاني ادارن جي چونڊ ۾ ڪامياب ٿيل پارٽي اميدوارن کي مبارڪ ڏيندي چيو آهي ته پيپلز پارٽي جي اميدوارن جي ڪاميابي صوبي جي عوام جي فتح آهي، پ پ عوام جي خدمت ڪئي جنهن جو صلو مڪاني ادارن جي ننڍي چونڊ جي نتيجن سان ڏنو ويو. اڳوڻي وڏي وزير مراد علي شاهه سنڌ ۾ مڪاني ادارن جي چونڊ ۾ ڪامياب ٿيل پارٽي اميدوارن کي مبارڪ ڏني. سندس چوڻ هو ته ڪراچيءَ جو ميئر مرتضيٰ وهاب ۽ ڊپٽي ميئر سلمان عبدالله مراد سميت سمورا پ پ اميدوار عوامي مسئلا حل ڪندا. سنڌ جي اڳوڻي وڏي وزير مراد علي شاهه چيو ته پيپلز پارٽي ئي ملڪ جا مسئلا حل ڪندي، عام چونڊن ۾ پ پ سڄي ملڪ مان ڪامياب ٿيندي ۽ پيپلز پارٽي جي قيادت عوام جي اميدن تي پورو لهندي. هن چيو ته پنهنجي حڪومتي دور ۾ پيپلز پارٽي سڄي صوبي ۾ رڪارڊ ترقياتي ڪم ڪرايا آهن. سنڌ جي اڳوڻي وڏي وزير مراد علي شاهه چيو ته اڳتي به ڪامياب ٿي پيپلز پارٽي سنڌ سميت سڄي ملڪ جا مسئلا حل ڪندي.