سينيئر صوبائي وزير شرجيل ميمڻ چيو آهي ته پي ٽي آءِ باني، ملڪ عوام ۽ پارٽي ميمبرن سميت ڪنهن سان به مخلص ناهي، هو رڳو پنهنجن مفادن سان سچو آهي.
پشاور ۾ ميڊيا سان ڳالهائيندي شرجيل ميمڻ چيو ته حڪومت ڪوشش ڪندي ته مفاهمت سان سڀني کي گڏ کڻي هلي، تحريڪ انصاف وارا ته ڪنهن سان هٿ به ناهن ملائيندا، پي ٽي آءِ باني چيو ته اسٽيبلشمينٽ سان ڳالهين لاءِ تيار آهي.
هن چيو ته سياستدان جو اسٽيبلشمينٽ سان ڳالهيون ڪرڻ جو ڪم ئي ناهي، تحريڪ انصاف باني عوام سان مخلص ناهي، جيڪڏهن پي ٽي آءِ باني صحيح رستي تي هجي ها ته پارٽي مضبوط هجي ها.
شرجيل ميمڻ چيو ته ڪي پي جي عوام کي پنهنجون اکيون کولڻيون پونديون، کين ڏسڻو پوندو ته ساڻن ڇا ٿي رهيو آهي، صوبي ۾ پي ٽي آءِ جي ٽئين حڪومت آهي پر هتان جا ماڻهو روزگار لاءِ ٻين صوبن ڏانهن ويندا آهن.
سينيئر صوبائي وزير چيو ته پاڪستان توانائي جي بحران کي منهن ڏئي رهيو آهي، ٿر ڪول مان پاڪستان جي توانائي جو مسئلو حل ٿيندو، ٿر جي ڪوئلي ۾ ئي ملڪي معيشت جي بقا آهي.
