- Advertisement -
پي ٽي آءِ باني ۽ اڳوڻي خاتون اول بشريٰ بي بي خلاف توشا خانا ٽو ڪيس ۾ وڌيڪ شاهدن کي طلب ڪيو ويو آهي.
اڊيالا جيل راولپنڊي ۾ اسپيشل جج سينٽرل شاهه رخ ارجمند پي ٽي باني ۽ بشريٰ بي بي خلاف توشا خانا ٽو ڪيس جي ٻڌڻي ڪئي.
بشريٰ بي بي ۽ سندس وڪيل جي پيش نه ٿيڻ تي عدالت ڪاوڙ جو اظهار ڪيو.
ٻڌڻي دوران چوٿين شاهد ڪيبنيٽ ڊويزن جي ڊپٽي ڊائريڪٽر ڪو آرڊينيشن محمد احد تي آڏي پڇا مڪمل ڪئي وئي.
عدالت بشريٰ بي بي جي وڪيل طرفان ايندڙ ٻڌڻي تي شاهد تي آڏي پڇا مڪمل نه ٿيڻ تي کاتيوار ڪارروائي جي هدايت ڪري ڇڏي، ايندڙ ٻڌڻي تي مجموعي طور پنجن شاهدن کي طلب ڪيو ويو.
عدالت محمد شفقت، قيصر، عمر صديق، محسن ۽ فهيم کي بيان قلمبند ڪرڻ لاءِ طلب ڪيو آهي.
احتساب عدالت پي ٽي آءِ باني ۽ سندس گهر واري بشريٰ بي بي خلاف توشا خانا ٽو ڪيس جي ٻڌڻي 14 جنوري تائين ملتوي ڪري ڇڏي.- Advertisement -
