پي ٽي آءِ باني ۽ بشريٰ بي بي خلاف 190 ملين پائونڊز ريفرنس جي ٻڌڻي بغير ڪارروائي جي ملتوي ڪئي وئي.
پي ٽي آءِ باني ۽ سندس گهر واري بشريٰ بي بي خلاف 190 ملين پائونڊز ريفرنس جي ٻڌڻي احتساب عدالت اڊيالا جيل ۾ جج ناصر جاويد رانا جي روبرو ٿي، جنهن لاءِ پي ٽي آءِ باني جون ڀينرون اڊيالا جيل پهتيون.
ڪيس جي ٻڌڻي دوران جوابدار بشريٰ بي بي جي وڪيل حاضري کان هڪ ڏينهن ڇوٽ جي درخواست داخل ڪرائي جنهن کي عدالت منظور ڪري ورتو.
جوابدار طرفان اڄ به 342 تحت جاري سوال نامن تي جواب داخل نه ڪرايا ويا.
جوابدار جا وڪيل مصروفيت سبب اڄ به عدالت ۾ پيش نه ٿيا، بشريٰ بي بي به عيدالت ۾ پيش نه ٿي.
عدالت 190 ملين پائونڊز ريفرنس جي ٻڌڻي ڪنهن ڪارروائيءَ کانسواءِ جمعو 15 نومبر تائين ملتوي ڪري ڇڏي
