- Advertisement -
سنڌ ۽ وفاقي سرڪار طرفان ڪيٽي بندر تي پورٽ ٺاهڻ تي اتفاق ڪيو ويو آهي، وڏي وزير مراد علي شاهه جو چوڻ هو ته ڪي ٽي بندر تي پورٽ ٺاهڻ وقت جي اهم ضرورت آهي، وفاقي وزير قيصر شيخ چيو ته سنڌ ۽ وفاقي حڪومتون گڏجي ڪيٽي بندر تي پورٽ ٺاهي سگهن ٿيون.
سنڌ جي وڏي وزير سيد مراد علي شاهه سان سامونڊي معاملن واري وفاقي وزير قيصر شيخ ملاقات ڪئي.
ملاقات ۾ وڏي وزير جو سيڪريٽري رحيم شيخ ۽ قاسم پورٽ جو چيئرمين ريئر ايڊمرل ناصر شاهه به موجود هئا.
سنڌ جي وڏي وزير جي ترجمان موجب ملاقات ۾ ماهيگيرن جي مسئلن تي خيالن جي ڏي وٺ ڪئي وئي.
وڏي وزير مراد علي شاهه جو چوڻ هو ته وڏا ڄار ڇڪيندڙ ٻيڙين سبب مڇين جي نسل کي نقصان پهتو آهي.
سنڌ جي وڏي وزير چيو ته ٽريٽمينٽ پلانٽ لڳائڻ جو منصوبو ايڊوانس اسٽيج تي آهي، گندو پاڻي ٽريٽ ڪري صنعتن کي فراهم ڪيو ويندو.
وڏي وزير جو چوڻ هو ته ڪمبائينڊ افيولينٽ ٽريٽمينٽ لاءِ وفاقي حڪومت اڳيان اچي.
سامونڊي معاملن واري وفاقي وزير قيصر شيخ جو چوڻ هو ته عالمي معاهدي تحت سيوريج ٽريٽمينٽ ضروري آهي.
وڏي وزير مراد علي شاهه چيو ته کين سامونڊي گدلاڻ جي خاتمي لاءِ گڏيل قدم کڻڻا پوندا.
وزير قيصر شيخ جو چوڻ هو ته سامونڊي گدلاڻ لاءِ وفاقي حڪومت قدم کڻي رهي آهي.
سنڌ ۽ وفاقي سرڪار طرفان ڪيٽي بندر تي پورٽ ٺاهڻ تي اتفاق ڪيو ويو.
وڏي وزير سيد مراد علي شاهه جو چوڻ هو ته ڪي ٽي بندر تي پورٽ ٺاهڻ وقت جي اهم ضرورت آهي.
قيصر شيخ چيو ته سنڌ ۽ وفاقي حڪومتون گڏجي ڪيٽي بندر تي پورٽ ٺاهي سگهن ٿيون- Advertisement -
