پي ٽي آءِ چيئرمين آرمي ايڪٽ ۽ آفيشل سيڪريٽ ايڪٽ ۾ ترميمون سپريم ڪورٽ ۾ چئلينج ڪيو آهي.
پي ٽي آءِ چيئرمين طرفان داخل آئيني درخواست سپريم ڪورٽ ۾ 184 ٿري تحت دائر ڪئي وئي، جيڪا ايڊووڪيٽ شعيب شاهين داخل ڪئي.
درخواست ۾ وفاق، صدر، گهرو وزارت ۽ سيڪريٽري قومي اسيمبلي کي ڌر بڻايو ويو آهي.
داخل ڪرايل درخواست ۾ موقف اختيار ڪيو ويو ته آفيشل سيڪريٽ ايڪٽ ۽ آرمي ترميمي ايڪٽ بنيادي انساني حقن سان ٽڪراءُ ۾ آهي.
درخواست موجب آفيشل سيڪريٽ ايڪٽ تحت ڳجهن ادارن کي بنا وارنٽ ڪنهن به گهر ۾ گهڙي جهڙتي وٺڻ جو اختيار غير آئيني آهي.
پي ٽي آءِ چيئرمين طرفان داخل درخواست ۾ چيو ويو ته صدر سوشل ميڊيا تي وضاحت ڪري چڪو آهي ته هن ٻنهي قانونن جي منظوري ناهي ڏني.
درخواست ۾ اپيل ڪئي وئي ته آفيشل سيڪريٽ ترميمي ايڪٽ 2023ع آئين جي آرٽيڪل 8 سان ٽڪراءُ ۾ آهي، جنهن موجب ڪو به قانون جيڪو بنيدي انساني حقن سان ٽڪراءُ ۾ آهي ان کي ڪالعدم قرار ڏنو ويندو
