پيپلزپارٽي 90 ڏينهن ۾ عام چونڊون ڪرائڻ جو مطالبو ڪري ڇڏيو آهي، اڳواڻن جو چوڻ آهي ته اليڪشن 90 ڏينهن کان اڳتي وئي ته آئيني بحران پيدا ٿيندو.
اجلاس کانپوءِ پارٽي اڳواڻن سان گڏ بريفنگ ڏيندي شيري رحمان چيو ته تڪ بندين جو جواز ٺاهي چونڊن ۾ دير نه ٿيڻ گهرجي، اليڪشن ڪميشن 90 ڏينهن ۾ چونڊون ڪرائي.
هن چيو ته پ پ قيادت جي راءِ آهي اليڪشن ۾ دير قبول نه هوندي.
سندس چوڻ هو ته ملڪ جي اقتصادي صورتحال هن وقت سنگين آهي، هن وقت عوام غربت جي چڪي ۾ پيسجي رهيو آهي.
اڳوڻي وڏي وزير مراد علي شاهه چيو ته سندن مطالبو آهي ته چونڊون وقت تي ڪرايون وڃن.
هن چيو ته ان شماري ۾ تڪبندي جي ڪا به ضروري ناهي، 90 ڏينهن ۾ چونڊ ٿي سگهي ٿي.
