ڀريا روڊ: ڳوٺ اڏيو ڏاهري ۾ نينگر ٿنڀي هيٺان چيڀاٽجي فوت

ڀريا روڊ ڀرسان بجلي جو پول مٿان ڪرڻ سبب نينگر فوت ٿي ويو. ڳوٺ اڏيو ڏاهري ۾ علي وارث ڏاهري بجلي جو پول مٿان ڪرڻ سبب موقعي تي ئي فوت ٿي ويو. اکين ڏٺن شاهدن علي ڏاهري ۽ فوجي احمد خان ڏاهري جو چوڻ هو ته نينگر ٻڪرين جو گاهه ڪرڻ لاءِ نڪتو ته مٿس گهر ٻاهران لڳل بجلي جو پول ڪري پيو ۽ نينگر موقعي تي ئي فوت ٿي ويو. علائقي واسين جو چوڻ هو ته سيپڪو عملدارن کي خبر هئي ته پول ڪنهن به وقت ڪري سگهي ٿو، واقعو سندن نااهلي سبب پيش آيو آهي، نوٽيس وٺي جاچ ڪرائي متاثرن کي انصاف ڏياريو وڃي.