سنڌ هاءِ ڪورٽ چوڏهن ورهين جي نينگري سميت ٻين گم ٿيلن جي بازيابيءَ بابت درخواستن تي پوليس رپورٽن کي روايتي قرار ڏئي رد ڪري ڇڏيو.
سنڌ هاءِ ڪورٽ ۾ چوڏهن ورهين جي نينگري سميت ٻين گم ٿيلن جي بازيابيءَ بابت درخواستن جي ٻڌڻي ٿي.
ٻڌڻي دوران پوليس رپورٽن کي روايتي قرار ڏئي رد ڪري ڇڏيو.
عدالت وفاقي حڪومت کي 2009 کان گم ٿيل ٻن نوجوانن جي بازيابيءَ لاءِ فوري قدم کڻڻ جو حڪم ڏئي ڇڏيو.
عدالت رمارڪس ڏيندي چيو ته محمد امين ۽ محمد الياس جتي به هجن سندن پتو لڳايو وڃي، وفاقي گهرو وزارت جي جنھن به ماتحت اداري وٽ ھجن، ڳولھي ڪري رپورٽ پيش ڪئي وڃي.
جاچ آفيسر موقف اختيار ڪيو ته ٻنھي نوجوانن کي ڳولڻ لاءِ جي آءِ ٽي ۽ 12 صوبائي ٽاسڪ فورس جا 25 اجلاس ٿي چڪا آهن، ٻنهي جي گم ٿيڻ جو پتو نه پئجي سگهيو آهي.
عدالت پاران گم ٿيل شهري فيض محمد جو ڪيس داخل ڪرڻ جو حڪم ڏنو ويو.
ايڊووڪيٽ عمران ميو موقف اختيار ڪيو ته فيض محمد ڪورنگي جي علائقي مان گم ٿي ويو ھو.
چوڏهن ورهين جي افشان جي بازياب نه ٿيڻ تي عدالت پاران ڪاوڙ جو اظهار ڪيو ويو.
عدالت ايس ايس پي سينٽرل کي طلب ڪري ورتو.
پوليس موقف اختيار ڪيو ته گم ٿيل شهري زين العابدين گهر پهچي ويو آھي جنهن بعد عدالت شهري جي گم ٿيڻ بابت درخواست اڪلائي ڇڏي.
