چيئرمين جوائنٽ چيفس آف اسٽاف ڪميٽيءَ جنرل ساحر شمشاد مرزا سان روسي هٿياربند فوج جي ڊپٽي چيف  آف جنرل اسٽاف ملاقات ڪئي

چيئرمين جوائنٽ چيفس آف اسٽاف ڪميٽيءَ جنرل ساحر شمشاد مرزا سان روسي هٿياربند فوج جي ڊپٽي چيف  آف جنرل اسٽاف ملاقات ڪئي. آءِ ايس پي آر طرفان جاري ڪيل بيان ۾ چيو ويو ته روسي هٿياربند فوج جي ڊپٽي چيف  آف جنرل اسٽاف چيئرمين جوائنٽ چيفس آف اسٽاف ڪميٽيءَ جنرل ساحر شمشاد  مرزا سان ملاقات ڪئي. ملاقات دوران ٻه طرفي دفاعي سهڪار ۽ سڪيورٽي جي شعبي ۾ سهڪار وڌائڻ تي غور ڪيو ويو. آءِ ايس پي آر موجب ملاقات ۾ علائقائي امن ۽ استحڪام جي صورتحال تي به خيالن جي ڏي وٺ ڪئي وئي. روسي هٿياربند فوج جي ڊپٽي چيف آف جنرل اسٽاف پاڪستاني هٿياربند فوج جي پيشوراڻي صلاحيتن جي واکاڻ ڪئي ۽ دهشتگردي خلاف جنگ ۾ پاڪ فوج جي قربانين کي تسليم ڪيو.