ڊاڪٽر شاهنواز ڪنڀر جي عدالت کان مٿڀري قتل واري واقعي بعد سندس غائباڻي جنازي نماز ادا

ڊاڪٽر شاهنواز ڪنڀر جي عدالت کان مٿڀري قتل واري واقعي بعد سندس غائباڻي جنازي نماز ادا ڪئي وئي. مختلف سياسي، سماجي ۽ قومپرست ڌرين ڊاڪٽر شاهنواز ڪنڀر جي وارثن سان تعزيت ۽  آخري آرام گاهه تي حاضري بعد غائباڻي جنازي نماز ادا ڪئي. غائباڻي جنازي نماز ۾ صوفي فنڪار مانجهي فقير، مسعود لوهار، ڊاڪٽر نياز ڪالاڻي ۽ پنهل ساريو سميت سياسي سماجي اڳواڻن، ڪارڪنن ۽ مقامي شهرين وڏي انگ ۾ شرڪت ڪئي. ان موقعي تي اڳواڻن جو چوڻ هو ته عمر ڪوٽ پوليس هٿان قتل ڪيل ڊاڪٽر شاهنواز ڪنڀر واري واقعي ۾ ملوث سمورن جوابدارن کي گرفتار ڪيو وڃي. هنن اهو پڻ مطالبو ڪيو ته واقعي جي شفاف جاچ ڪرائي حقيقتون پڌريون ڪيون وڃن.