ڏکڻ وزيرستان ۾ سڪيورٽي فورسز جي آپريشن دوران 8 دهشتگرد مارجي ويا ۽ هڪ جوان شهيد ٿي ويو.
ڊي آءِ ايس پي آر طرفان جاري ڪيل بيان ۾ چيو ويو ته سڪيورٽي فورسز ڳجهي اطلاع تي شين وارسڪ واري علائقي ۾ دهشتگردن جي ٿاڪن تي آپريشن ڪيو.
آپريشن دوران دهشتگردن ۽ سڪيورٽي فورسز وچ ۾ فائرنگ جي ڏي وٺ ٿي، جنهن سبب 8 دهشتگرد مارجي ويا.
پاڪ فوج جي ترجمان موجب آپريشن دوران هڪ جوان شهيد ٿي ويو.
آءِ ايس پي آر موجب مارجي ويلن ۾ دهشتگرد ڪمانڊر جان محمد عرف چراغ به شامل آهي، دهشتگردن جي ٿاڪن تان وڏي انگ ۾ هٿيار ۽ بارودي مواد هٿ ڪيو ويو آهي.
پاڪ فوج جي ترجمان چيو ته شهادت ماڻيندڙ بهادر سپاهي 31 ورهين جو حامد رسول آهي، جڏهن ته چار جوان زخمي پڻ ٿي پيا.
آءِ ايس پي آر چيو ته سڪيورٽي فورسز دهشتگردي جي لعنت جي خاتمي لاءِ پرعزم آهي.
