ڪراچيءَ جي ٽن مختلف علائقن ۾ پوليس ڪاررواين دوران غيرقانوني طور ترسيل 9 پرڏيهين کي گرفتار ڪري ورتو آهي.
اوڀر ضلعي پوليس جي ترجمان جو چوڻ آهي ته اوڀر پوليس نيو ٽائون واري علائقي ۾ ڪارروائي ڪري غيرقانوني طور ترسيل ٻن افغان شهرين اسماعيل پٽ قاسم ۽ زوادين پٽ وبدالسلام کي گرفتار ڪري ورتو.
اوڀر ضلعي پوليس جي ترجمان موجب، سچل واري علائقي ۾ پوليس ڪارروائي دوران غيرقانوني طور ترسيل ٻن افغان شهرين سجاد محمد ۽ وحيد کي گرفتار ڪري ورتو آهي.
اوڀر ضلعي پوليس جي ترجمان جو چوڻ آهي ته پوليس فيروز آباد واري علائقي ۾ ڪارروائي دوران غيرقانوني رهندڙ 5 افغان شهرين کي گرفتار ڪيو.
اوڀر ضلعي پوليس جي ترجمان موجب، گرفتار ٿيلن ۾ زيدي گل، اسد الله، سيد وليد، الله مير ۽ منير شامل آهن.
اوڀر ضلعي پوليس جي ترجمان جو چوڻ آهي ته جوابدارن خلاف فارن ايڪٽ تحت ضابطي جي ڪارروائي عمل ۾ آندي وئي…….
