ڪراچي: جمع ڳوٺ ۾ مبينا پوليس مقابلو 2 ڏوهاري زخمي حالت ۾ گرفتار

ڪراچي جي علائقي جمع ڳوٺ ۾ پوليس مبينا مقابلي دوران ٻن ڏوهارين کي زخمي حالت ۾ گرفتار ڪرڻ جي دعويٰ ڪئي آهي. ڪورنگي پوليس جي ترجمان موجب، الفلاح پوليس جمع ڳوٺ ۾ ڪارروائي ڪئي ته ڏوهارين سان مقابلو ٿي پيو. ڪورنگي پوليس جي ترجمان جو چوڻ آهي ته پوليس ڪارروائي دوران ٻن ڏوهارين کي زخمي حالت ۾ گرفتار ڪري سندن قبضي مان 2 پسٽل ۽ ڦر ٿيل موبائل فون هٿ ڪري ورتا. ڪورنگي پوليس جي ترجمان موجب، گرفتار ڏوهارين جي ريحان ۽ وقاص طور سڃاڻپ ٿي آهي. ڪورنگي پوليس جي ترجمان جو چوڻ آهي ته زخمي حالت ۾ گرفتار جوابدارن کي علاج لاءِ اسپتال منتقل ڪيو ويو آهي، وڌيڪ جاچ ڪئي پئي وڃي.