ڪشمور ضلعي ۾ بدامني سبب ڌرتي ڌڻي لڏپلاڻ تي مجبور ٿي ويا آهن، وڌيڪ هڪ هندو خاندان ڀارت لڏي ويو.
ڪرمپور واسي واپاري اجئي ڪمار ڀيڻ ۽ ماءُ کي وٺي اجها ڇڏي لڙڪ لاڙيندو واهگه بارڊر ذريعي ڀارت روانو ٿي ويو.
روانگي وقت اجئي ڪمار جو چوڻ هو ته ڪشمور ضلعي هاڻي رهڻ جي لائق ناهي رهيو، هندو برادري غير محفوظ ٿي وئي آهي.
هن چيو ته سندن ڪاروبار ٺپ ٿي ويا آهن، هو هڪ شهر کان ٻي شهر سفر به نٿا ڪري سگهين، خوف واري صورتحال ۾ وڌي نٿا رهي سگهن.
