ڪنب ويجهو عطائي ڊاڪٽر جي مبينا طور غلط انجيڪشن لڳائڻ سبب ٻارڙو فوت ٿي ويو آهي، ٻارڙي جي فوت ٿيڻ بعد ڊاڪٽر ڪلينڪ ڇڏي فرار ٿي ويو، وارثن جي فرياد تي پوليس پهچي ڪمپائونڊر کي گرفتار ڪري ورتو.
ڳوٺ واحد بخش گوپانگ ۾ عطائي ڊاڪٽر جي مبينا طور غلط علاج سبب چئن سالن جي الهوسايو گوپانگ فوت ٿي ويو.
ٻارڙي جي فوت ٿيڻ بعد ڊاڪٽر ڪلينڪ تان فرار ٿي ويو.
وارثن جي فرياد تي پوليس پهچي ڪمپائونڊر کي گرفتار ڪري، ٻارڙي جو لاش اسپتال مان پوسٽ مارٽم ڪرائڻ بعد وارثن حوالي ڪري ڇڏيو.
وارثن جو چوڻ آهي ته ٻارڙي کي علاج لاءِ ڪلينڪ تي آندو، جتي عطائي ڊاڪٽر پاران غلط انجيڪشن لڳائڻ سبب هو تڙپي تڙپي فوت ٿي ويو.
