ڪنري پوليس پاران مبينا مقابلي دوران ٻن ڏوهارين کي گرفتار ڪرڻ جي دعويٰ ڪئي وئي آهي.
پوليس جو چوڻ آهي ته ڳجهي اطلاع تي ٻسٽان جي ماروي ڪالوني ۾ پهتا سين ته منشيات وڪرو ڪندڙ ڏوهارين ڏسندي ئي فائرنگ ڪري ڏني.
پوليس جو وڌيڪ چوڻ هو ته فائرنگ جي ڏي وٺ دوران هڪ ڏوهاري غني مڪراني زخمي ٿي پيو.
پوليس جو چوڻ آهي ته گرفتار ڪيل ٻنهي جوابدرن وٽان هٿيار ۽ منشيات هٿ ڪئي وئي.
پوليس موجب زخمي ڏوهاري کي طبي امداد لاءِ اسپتال منتقل ڪيو ويو آهي..
