نگران وڏي وزير جي صدارت ۾ سکر جي ترقياتي پورٽ فوليو ۽ ٻوڏ جي نقصانن کان بحالي بابت اجلاس

نگران وڏي وزير جي صدارت ۾ سکر جي ترقياتي پورٽ فوليو ۽ ٻوڏ جي نقصانن کان بحالي بابت اجلاس ٿيو. اجلاس ۾ وڏي وزير کي بريفنگ ڏيندي ٻڌايو ويو ته  2022ع جي ٽن وڏين برساتن کانپوءِ ٻوڏ سکر ڊويزن کي تباهه ڪري ڇڏيو، ٻوڏ ۾ سکر ڊويزن جي 8 لک 91 هزار 238 آبادي متاثر ٿي، ٻوڏ دوران 4 لک 42 هزار 922 گهرن کي نقصان پهتو، ويجهڙ ۾ ٿيندڙ آدمشماري موجب سکر ڊويزن ۾ 10لک 52 هزار 475 گهر آهن، آدمشماري موجب سکر ڊويزن جي آبادي 60 لک 10 هزار 41 آهي. نگران وڏي وزير جو چوڻ هو ته سکر جي دوري جو مقصد صوبي جي ٽئين وڏي شهر جو معائنو ڪرڻ هو،  سکر شهر ۾ صفائي سٿرائي جو ڪوبه بندوبست نه آهي، مان سکر ڊويزن انتظاميا کي 3 هفتا ڏيان ٿو شهر کي ٺيڪ ڪيو وڃي، جيڪڏهن پوءِ به شهر صاف نه ٿيو ته مان ڪنهن کي به نه ڇڏيندس.