جماعت اسلامي بدامني خلاف 2 سيپٽيمبر تي سڄي ملڪ ۾ احتجاج جو سڏ ڏئي ڇڏيو، جماعت اسلامي جي امير سراج الحق چيو آهي ته هلندڙ سال ڪشمور ضلعي مان 4 سئو ماڻهو اغوا ۽ هڪ سئو ماڻهو قتل ٿي چڪا آهن، جنهن جا ذميوار حڪمران آهن، عوام بيزار ٿي چڪو آهي، جيڪڏهن عوام محفوظ ناهي ته حڪمران به پنهنجن بنگلن ۾ محفوظ نه رهندا.
ڪنڌ ڪوٽ ۾ وڌندڙ بدامني خلاف جماعت اسلامي جي امير سراج الحق جي اڳواڻي ۾ احتجاجي ريلي ڪڍي وئي.
ريلي کي خطاب ڪندي جماعت اسلام جي امير سراج الحق چيو ته هتان جا چونڊيل نمائندا رشوت جي پيسن مان ارب پتي بڻجي ويا آهن.
هن چيو ته چونڊيل نمائندا رشوت جي پيسن سان ماڻهن کي خريد ڪري ٻيهر چونڊجي اچن ٿا.
سراج الحق چيو ته عوام ووٽ ڌاڙيلن کي سرپرستن کي ڏيڻ بدران جماعت اسلام جي اميدوارن کي ڏئي.
