ڪوٽڙي ۾ درگاھه بابا صلاح الدين جي ميلا گرائونڊ تي قبضي خلاف ڌرڻو هنيو ويو

درگاھه بابا صلاح الدين گرائونڊ بچايو ڪميٽي پاران اسٽيشن روڊ کان احتجاجي ريلي ڪڍي شھر جي مک المدينا چوڪ تي ڌرڻو ھڻي قبضا مافيا خلاف  نعاريبازي ڪئي وئي.

ان موقعي تي امداد پنهور، شبير ساند، مقصود جھتيال، يونس اوٺي، خالد لاشاري، عبدالفتاح چنا، سليمان ڀلائي ۽ ٻين چيو ته درگاھه بابا صلاح الدين جي ميلا گرائونڊ تي بااثر لينڊ مافيا جي ماڻھن قبضو ڪيو آھي.

هنن چيو ته هو درگاهه جي ميلا گرائونڊ تي قبضو  ڪنھن به صورت ۾ برداشت نه ڪندا، ڊي سي ڄامشورو نوٽيس وٺي قبضو ختم ڪرائي. ھنن چيو ته درگاھ جي پلاٽ تان قبضو ختم ڪرائي گرائونڊ ثقافت کاتي حوالي ڪيو وڃي ٻي صورت ۾ احتجاجي تحريڪ جو سلسلو جاري رھندو .