گرلس ڪاليج ٺٽي جي شاگردياڻي نجمه ڪاليج مان پراسرار نموني گم ٿي وئي، وارث اغوا جو شڪ ظاهر ڪري ڇڏيو.
گرلس ڪاليج ٺٽو جي شاگردياڻي نجمه ڪاليج مان پراسرار نموني گم ٿي وئي آهي.
ڪاليج مان پراسرار طور گم ٿيل شاگردياڻي نجمه جي والد يوسف ملاح ۽ چاچي رستم ملاح پريس ڪلب ٺٽو پھچي احتجاج ڪيو.
هنن چيو ته سندن نياڻي گرلس ڪاليج ٺٽو جي شاگردياڻي گذريل ڏينهن ڪاليج اٽينڊ ڪرڻ لاءِ وئي جيڪا ڪيتري دير تائين گهر نه پهتي جنهن بعد اسان گرلس ڪاليج ٺٽو پهتاسين ته ڪاليج ٽائيم ختم ٿي ويو هو.
هنن چيو ته اسڪول جي پرنسپل رضيه سان فون تي شاگردياڻي بابت پڇا ڪئي، جنهن تي پرنسپل ٻڌايو ته شاگرياڻي پڙهائي ٽائيم کان پوءِ پنهنجي گهر لاءِ نڪتي، جنهن بعد کين وڌيڪ ڪا ڄاڻ نه آهي.
شاگردياڻي نجمه جي والد يوسف ملاح ٻڌايو ته کيس خدشو آهي ته سندس نياڻي کي ڪاليج مان اغوا ڪيو ويو آهي جنھن ۾ ڪاليج جو عملو به ملوث ٿي سگھي ٿو.
ھن چيو ته کيس شڪ آھي ته گهوڙاٻاري واسي ڪجھه شڪي ماڻهن پلاننگ تحت سندس ڌيءُ کي اغوا ڪيو آهي، هنن اڳ به نياڻي کي اغوا ڪرڻ جون ڌمڪيون ڏنيون هيون.
هن آئي جي سنڌ، تعليم جي صوبائي وزير سيد سردار شاهه، ڊي سي ٺٽو، ايس ايس پي ٺٽو کان مطالبو ڪيو ته سندس نياڻي بازياب ڪرائي ڏني وڃي.
