گمبٽ:سيپڪو پاران ڪنڊا مافيا خلاف ڪريڪ ڊائون،ڪيترائي غيرقانوني ڪنيڪشن ڪاٽيا ويا

گمبٽ ۾ سيپڪو پاران ڪنڊا مافيا خلاف ڪريڪ ڊائون  دوران ڪيترائي غيرقانوني ڪنيڪشن ڪاٽيا ويا. سيپڪو عملدارن پاران ڪسان ڪالوني، شيخ پاڙي، ابل واهه سميت ٻين علائقن ۾ ڪنڊا ڪنيڪشن خلاف ڪارروائي ڪئي وئي. سيپڪو عملدارن ڪارروائي دوران ڪيترائي غير قانوني ڪنيڪشن ڪاٽي ڇڏيا. ايس ڊي او سيپڪو عمر پٺاڻ جو چوڻ آهي ته بجلي چورن خلاف ڪيس داخل ڪرائڻ لاءِ پوليس کي ليٽر جاري ڪيو آهي. هن چيو ته غير قانوني ڪنڊا ڪنيڪشن خلاف وفاقي حڪومت ۽ سي اي او سيپڪو سکر جي حڪم تي آپريشن جاري آهي جيڪو بجلي چوري ڪندو سندس خلاف ڪارروائي ڪئي ويندي.