گڏيل قومن جي سلامتي ڪائونسل غزا ۾ فوري طور جنگبنديءَ جو ٺهراءُ منظور ڪري ورتو

گڏيل قومن جي سلامتي ڪائونسل غزا ۾ فوري طور جنگبنديءَ جو ٺهراءُ منظور ڪري ورتو. غزا جي پٽيءَ ۾ جنگبنديءَ جي ٺهراءَ تي ووٽنگ لاءِ سلامتي ڪائونسل جو اجلاس ٿيو، جنهن ۾ ٺهراءَ منظور ڪيو ويو. غزا ۾ فوري جنگبندي جو ٺهراءُ سلامتي ڪائونسل جي ڏهن ميمبر ملڪن پيش ڪيو. ٺهراءُ پيش ڪندڙن ۾ الجزائر، جاپان، ايڪواڊور، سوئٽزرلينڊ، ڏکڻ ڪوريا، مالٽا ۽ ٻيا ملڪ شامل آهن. سلامتي ڪائونسل جي پندرهن مان چوڏهن ملڪن ٺهراءَ جي حمايت ڪئي، جڏهن ته آمريڪا غزا ۾ جنگبندي واري ٺهراءَ تي ووٽنگ ۾ حصو نه ورتو. ٻئي پاسي گڏيل قومن جي سيڪريٽري جنرل انتونيو گوريس غزه جنگ بندي بابت مظنور ڪيل ٺهراءَ تي جلد عملدرآمد ڪرڻ جو مطالبو ڪيو آهي. انتونيو گوتريس جو چوڻ آهي ته ٺهراءَ تي عمل نه ٿيڻ سان وڏو نقصان ٿي سگھي ٿو.