اڳوڻو وزيراعظم نوازشريف 21 آڪٽوبر تي ڏيهه واپس ورڻ جو فيصلو ڪيو آهي.
لنڊن ۾ ميڊيا سان ڳالهائيندي ن ليگ جي صدر ۽ اڳوڻي وزيراعظم شهبازشريف بيان نوازشريف جي ڏيهه واپسيءَ جو اعلان ڪيو.
سندس چوڻ هو ته نوازشريف 21 آڪٽوبر تي ڏيهه واپس ورندو.
هن چيو ته سمورو پاڪستان نوازشريف جي ڏيهه واپسيءَ جو منتظر آهي، سندس واپسيءَ بعد ملڪ ٻيهر ترقيءَ جي رستي تي هلندو.
شهبازشريف چيو ته پاڪستان واپسيءَ تي نوازشريف جي شاندار آجيان ڪئي ويندي، لاهور ۾ کيس آجياڻو ڏنو ويندو ۽ سڄي ملڪ ۾ ريليون ڪڍيون وينديون.
ن ليگ جي صدر چيو ته نئين آدمشماريءَ تحت چونڊون ڪرائڻ اليڪشن ڪميشن جي ذميواري آهي
