ڳڙھي ياسين ويجهو زرعي زمين جي مالڪي جي تڪرار تان اوڍا برادري جي ٻن ڌرين ۾ جهيڙي دوران فائرنگ ۾ ٻه ڄڻا زخمي ٿي پيا، جن کي اسپتال منتقل ڪيو ويو.
ڳوٺ نبي بخش اوڍو ۾ اوڍا برادري جي ٻن ڌرين وچ ۾ زمين جي مالڪي جي تڪرار تان جهيڙو ٿي پيو.
جهيڙي دوران هٿياربندن جي فائرنگ ۾ راھب اوڍو ۽ ارسلا اوڍو زخمي ٿي پيا.
وارثن زخمين کي کڻائي ڳڙهي ياسين جي رورل ھيلٿ سينٽر منتقل ڪيو، جتان طبي امداد ڏيڻ بعد کين لاڙڪاڻي اسپتال ريفر ڪيو ويو.
ڌرين ۾ فائرنگ سبب علائقي ۾ خوف وارو ماحول پيدا ٿي ويو آھي، ڌريون مورچا بند ٿي ويون آهن.
