آئيني ترميمن لاءِ بلاول ڀٽو زرداري، نواز شريف، شهباز شريف ۽ ايوان ۾ موجود سمورن ميمبرن جي ڪوششن کي خراج تحسين پيش ڪري ٿو : مولانا فضل الرحمان

جمعيت علماءِ اسلام جي سربراهه مولانا فضل الرحمان چيو آهي ته آئيني ترميمن لاءِ بلاول ڀٽو زرداري، نواز شريف، شهباز شريف ۽ ايوان ۾ موجود سمورن ميمبرن جي ڪوششن کي خراج تحسين پيش ڪري ٿو. قومي اسيمبلي اجلاس کي خطاب ڪندي مولانا فضل الرحمان چيو ته سندس ڪوششن۾ پاڪستان تحريڪ انصاف ساڻس گڏ گڏ رهي. سندس چوڻ هو ته هتي جهيڙو شخصيتن جو آهي، هڪ جج کان حڪمران جماعت ته ٻئي کان مخالف ڌر گھٻرائي رهي آهي. فضل الرحمان چيو ته جيڪڏهن ڪو قانون موجب جلسو ڪري ٿو ته ان کي اجازت ملڻ گھرجي، پي ٽي آءِ پنهنجي ليدر جي جيل ۾ خراب حالت جي شڪايت ڪري رهي آهي. مولانا فضل الرحمان وڌيڪ چيو ته هن چيو هو ته آئيني ترميم کي شخصيتن جي ٽڪراءَ ۾ يرغمال نه بڻايو وڃي، جمهوري سفر ۾ ڏکيائيون اينديون ته ان مان پ پ قيادت کان رهنمائي حاصل ڪندا.