آرمي چيف جنرل عاصم منير جو ايراني فوج جي چيف آف جنرل اسٽاف سان رابطو، ايراني صدر ۽ سندس ساٿين جي فوتگي تي ڏک جو اظهار

آرمي چيف جنرل عاصم منير ايراني چيف آف جنرل اسٽاف سان فون تي رابطو ڪري ايراني صدر ابراهيم رئيسي جي هيليڪاپٽر حادثي ۾ فوت ٿيڻ تي تعزيت ڪئي. آءِ ايس پي آر موجب آرمي چيف پاڪ فوج جي سموري رينڪس طرفان مرحوم جي روح کي ايصال ثواب لاءِ دعا ۽ سوڳوار خاندانن لاءِ نيڪ خواهشن جو اظهار پڻ ڪيو. آءِ ايس پي آر جو چوڻ آهي ته آرمي چيف ايراني صدر ۽ سندس ساٿين جي فوتگي تي ڏک جو اظهار ڪيو. آرمي چيف جنرل عاصم منير جو چوڻ هو ته ايراني صدر ابراهيم رئيسي ۽ پرڏيهي وزير امير عبدالله پاڪستان جا سچا دوست هئا. ان موقعي تي ڳالهائيندي آرمي چيف جنرل عاصم منير چيو ته ايراني صدر ۽ پرڏيهي وزير پاڪستان جا سٺا دوست هئا. هن چيو ته ٻنهي ايراني اڳواڻن ۽  ساٿين جي  نقصان جو ازالو نٿو ڪري سگهجي. سندس چوڻ هو ته پاڪستان جا ايران سان تاريخي، ثقافتي ۽ ڀائرن جهڙا لاڳاپا آهن. آرمي چيف جنرل عاصم منير چيو ته پاڪستان ۽ ايران جي هٿياربند فوج هميشه گڏ بيٺي آهي.