عالمي امن خطرن ۽ چئلينجن کي منهن ڏئي رهيو آهي:آرمي چيف

آرمي چيف جنرل عاصم منير چيو آهي ته عالمي امن خطرن ۽ چئلينجن کي منهن ڏئي رهيو آهي. آءِ ايس پي آر طرفان جاري ڪيل بيان ۾ چيو ويو ته آرمي چيف جنرل  عاصم منير انٽرنيشنل ايسوسيئشن آف پيس ڪيپنگ ٽريننگ ڪانفرنس ۾ شرڪت ڪئي. پاڪستان پهريون ڀيرو عالمي ڪانفرنس جي ميزباني ڪئي آهي. آرمي چيف سينٽر فار انٽرنيشنل پيس اينڊ اسٽيبلٽي جو افتتاح ڪيو. ان موقعي تي ڳالهائيندي آرمي چيف چيو ته  امن ڪوششن باوجود فلسطيني ۽ ڪشميري ڏکين حالتن کي منهن ڏئي رهيا آهن، گڏيل قومن جي نگراني ۾ ڪيترائي امن مشن ڪم ڪري رهيا آهن.