آمريڪا طرفان ڪراچي ايئرپورٽ ڀرسان دهشتگرد حملي جي مذمت

آمريڪي پرڏيهي کاتي جي ترجمان ميٿو ملر ڪراچي ايئرپورٽ ڀرسان حملي جي مذمت ڪندي مارجي ويلن ۽ زخمي ٿيندڙن سان ڏک جو اظهار ڪيو آهي.

واشنگٽن ۾ پريس بريفنگ دوران ميٿو ملر چيو ته هو ٻين ملڪن جيان پاڪستان ۾ به اظهار جي آزادي ۽ پر امن اجتماع جي حمايت ڪن ٿا.

سندس چوڻ هو ته مظاهرين کان مطالبو ڪن ٿا ته هو پرامن طريقي سان مظاهرو ڪن ۽ تشدد کان پاسو ڪن.

ميٿو ملر پاڪستاني اختيارين کان انساني حقن ۽ بنيادي آزادي جي احترام جو مطالبو ڪندي چيو ته پاڪستان جي قانون ۽ آئين جي احترام کي يقيني بڻايو وڃي.

امريڪي پرڏيهي کاتي جي ترجمان ميٿو ملر جو وڌيڪ چوڻ هو ته پاڪستاني حڪومت امن امان برقرار رکڻ لاءِ قدم کڻي.