آمريڪا نٿو سمجهي ته اسرائيل رفاح ۾ ڀرپور طاقت سان آپريشن ڪري رهيو آهي: وائيٽ هائوس ترجمان

آمريڪا چيو آهي ته اسرائيل گڏيل قومن پاران رفاح ۾ سيف زون قرار ڏنل بي گهر ٿيل ماڻهن جي ڪئمپ تي بمباري ۽ آپريشن دوران آمريڪي ريڊ لائن پار ناهي ڪئي. وائيٽ هائوس جي ترجمان جان ڪربي پريس ڪانفرنس ڪندي چيو آهي ته آمريڪا نٿو سمجهي ته اسرائيل رفاح ۾ ڀرپور طاقت سان آپريشن ڪري رهيو آهي. ٻي طرف گڏيل قومن جي سيڪريٽري جنرل انتونيوگوتريس سماجي رابطن واري ويب سائيٽ تي پنهنجي جاري ڪيل بيان ۾ اسرائيلي حملن جي مذمت ڪندي چيو آهي ته غزا ۾ ڪوبه هنڌ محفوظ ناهي، اسرائيل هاڻي پنهنجي وحشيت بند ڪري.