آمريڪا پاران پاڪستان ۾  آپگهاتي ڌماڪن جي مذمت

امريڪا، پاڪستان ۾ آپگهاتي حملن جي مذمت ڪندي متاثر خاندانن سان تعزيت جو اظهار ڪيو آهي.

امريڪي پرڏيهي کاتي جي ترجمان ميٿو ملر پنهنجي بيان ۾ چيو آهي ته امريڪا، بلوچستان، خيبرپختونخوا ۾ آپگهاتي ڌماڪن جي مذمت ڪري ٿو.

امريڪي پرڏيهي کاتي جي ترجمان موجب، پاڪستاني پنهنجي عقيدي تي بنا ڪنهن خوف ۽ خطري جي عمل ڪرڻ جا حقدار آهن.

هن چيو ته پيارن کي وڃائيندڙ خاندانن سان تعزيت ڪري ٿو.

واضع رهي ته گذريل ڏينهن بلوچستان جي ضلعي مستونگ ۾ الفلاح روڊ تي آپگهاتي ڌماڪي جي نتيجي ۾ 52 ڄڻا اجل جو شڪار ۽ 60 ماڻهو زخمي ٿيا هئا.