آمريڪي سينيٽ ۾ ري پبلڪن ميمبر طرفان پاڪستان ۽ چين مخالف بل پيش

آمريڪي سينيٽ ۾ ري پبلڪن پاران پاڪستان ۽ چين مخالف بل پيش ڪيو ويو آهي، جنهن ۾ پاڪستان جي امداد روڪڻ جي تجويز ڏني وئي آهي. پيش ڪيل بل ۾ چين جي وڌندڙ اثر رسوخ ۽ پاڪستان پاران مبينا طور خطرن کي منهن ڏيڻ لاءِ ڀارت جي مدد ڪرڻ جو واعدو ڪيو ويو آهي. ريپبلڪن جي اميدوار مارڪو روبيو پاران پيش ڪيل بل ۾ ڀارت سان اسرائيل، ڪوريا، جاپان ۽ نيٽو جهڙن اتحادين جهڙو سلوڪ ڪرڻ لاءِ آمريڪا تي زور ڀريو ويو آهي. بل ۾ ڀارت خلاف مبينا قدمن تي پاڪستان جي امداد روڪڻ ۽ ڪانگريس کي آگاهه ڪرڻ جي تجويز ڏني وئي آهي. پاڪستان مخالف بل ۾ نئين دهلي سان واشنگٽن جي اسٽريٽجڪ سفارتي، اقتصادي ۽ فوجي لاڳاپن کي وڌائڻ جي به تجويز ڏني وئي آهي.