آمريڪي صدر ڊونلڊ ٽرمپ ايران جي مسئلي تي ضرورت پوڻ تي فوجي طاقت استعمال ڪرڻ کان پاسو نھ ڪندو :وائيٽ هائوس

وائيٽ هائوس جي پريس سيڪريٽري ڪيرولين ليوٽ چيو آهي ته آمريڪي صدر ڊونلڊ ٽرمپ ايران جي مسئلي تي ضرورت پوڻ تي فوجي طاقت استعمال ڪرڻ کان پاسو نھ ڪندو. فاڪس نيوز کي ڏنل انٽرويو ۾ ڪيرولين ليوٽ چيو ته آمريڪي صدر ٽرمپ هميشه سفارتڪاري کي ترجيح ڏني آهي، پر جيڪڏهن هو ضروري سمجهي ٿو ته هو فوجي طاقت استعمال ڪرڻ کان نه ڊڄندو، ايراني حڪومت ان حقيقت کان چڱي ريت واقف آهي. وائيٽ هائوس جي ترجمان موجب، صدر ٽرمپ اڳتي ڪهڙا قدم کڻندو، ان جي ڄاڻ صرف آمريڪي صدر کي ئي آھي. ڪيرولين ليوٽ جو چوڻ ھو تھ ايراني حڪومت پاران عوام ۾ ۽ خانگي طور تي ڏنل پيغامن ۾ واضح ٽڪراءَ آهي. سندس وڌيڪ چوڻ ھو تھ ايراني حڪومت عوام ۾ مختلف موقف اختيار ڪري ٿي، جڏهن ته خانگي طور تي اها آمريڪا ۽ ٽرمپ انتظاميه کي مختلف پيغام موڪلي رهي آهي.