- Advertisement -
بلوچستان جي ضلعي آوران جي علائقي کَهـُوڙو ۾ سڪيورٽي فورسز ۽ دهشتگردن وچ ۾فائرنگ جي ڏي وٺ دوران ٻه دهشتگرد مارجي ويا ۽ ٻه زخمي ٿي پيا.
آءِ ايس پي آر موجب، دهشتگردن سان مقابلي ۾ نائب صوبيدار آصف عرفان ۽ سپاهي عرفان علي شهيد ٿي ويا.
ڊي جي آءِ ايس پي آر موجب، شهيد 37 ورهين جي نائب صوبيدار آصف جو تعلق اوڪاڙه سان هو جڏهن ته شهيد 22 سالا سپاهي عرفان علي سرگوڌا جو رهواسي هو.
پاڪ فوج جي ترجمان جو چوڻ آهي ته علائقي ۾ دهشتگردن جي خاتمي لاءِ سرچ آپريشن ڪيو ويو.
ڊي جي آءِ ايس پي آر جو وڌيڪ چوڻ آهي ته سڪيورٽي فورسز دهشتگردي جي لعنت جي خاتمي لاءِ پرعزم آهي، بهادر سپاهين جون قربانيون سندن عزم کي وڌيڪ مضبوط بڻائينديون آهن……….- Advertisement -
