آپريشن عزمِ استحڪام، آپريشن عدم  استحڪام ثابت ٿيندو جيڪو ملڪ کي وڌيڪ ڪمزور ڪندو : مولانا فضل الرحمان

جي يو آءِ سربراهه مولانا فضل الرحمان، آپريشن عزِم استحڪام جي مخالف ڪندي چيو آهي ته آپريشن عزمِ استحڪام، آپريشن عدم  استحڪام ثابت ٿيندو جيڪو ملڪ کي وڌيڪ ڪمزور ڪندو. ڪوئيٽا ۾ نيشنل پارٽيءَ جي سربراهه ڊاڪٽر مالڪ بلوچ، اصغر اچڪزئي، خوشحال خان ڪاڪڙ، عبدالخالق هزارا سان ملاقات بعد  پريس ڪانفرنس ڪندي مولانا فضل الرحمان چيو ته اسٽيبلشمينٽ کي هر شعبي ۾ پنهنجي بالادستي ختم ڪرڻي پوندي. هن چيو ته آپريشن عزمِ استحڪام، آپريشن عدم  استحڪام ثابت ٿيندو جيڪو ملڪ کي وڌيڪ ڪمزور ڪندو. مولانا فضل الرحمان چيو ته ملڪ ۾ برابر جا شهري آهن، پر  ملڪ  رياستي عملداري نه هجڻ برابر آهي، ڪي پي ۾ سج لهندي ئي پوليس ٿاڻن ۾ بند ٿي ويندي آهي. جي يو آءِ سربراهه چيو ته اجلاس ۾ ورديءَ وارو هوندو ته فيصلا اهو ڪندو ته ٻيا ڇا ڪندا؟ رڳو ذميواري مٿن وڌي ويندي.