اتر وزيرستان جي علائقي سپن وام ۾ دهشتگردن سان ويڙهه ۾ شهيد پاڪ فوج جي ليفٽيننٽ ڪرنل سميت 6 جوان مٽيءَ ماءُ حوالي ڪيا ويا

اتر وزيرستان جي علائقي سپن وام ۾ دهشتگردن سان ويڙهه ۾ شهيد پاڪ فوج جي ليفٽيننٽ ڪرنل سميت 6 جوان مٽيءَ ماءُ حوالي ڪيا ويا. آءِ ايس پي آر جو چوڻ آهي ته سمورن شهيدن کي پنهنجي اباڻن علائقن ۾ مڪمل فوجي اعزاز سان مٽيءَ ماءُ حوالي ڪيو ويو. آءِ ايس پي آر موجب، آخري رسمن ۾ پاڪ فوج جي سينيئر حاضر سروس آفيسرن، فوجي  جوانن ۽ وارثن سميت شهرين وڏي انگ ۾ شرڪت ڪئي. آءِ ايس پي آر جو چوڻ آهي ته شهيدن ۾ ليفٽيننٽ ڪرنل محمد علي شوڪت، لانس نائيڪ محمد الله، لانس نائيڪ اختر زمان، لانس نائيڪ شاهد الله، لانس نائيڪ يوسف علي ۽ سپاهي جميل احمد شامل آهن. آءِ ايس پي آر موجب، شهيدن جون قربانيون دهشتگردي خلاف جنگ ۾ سندن عزم کي مضبوط ڪري رهيون آهن.