- Advertisement -
اسرائيلي دفاع واري وزير اسرائيل ڪاٽز ايران جي سپريم ليڊر آيت الله علي خامنه اي کي سڌو سنئون شهيد ڪرڻ جي ڌمڪي ڏني آهي.
اسرائيلي وزير، رامون ايئر فورس بيس جو دورو ڪندي چيو ته جيڪڏهن ايران اسرائيل کي ڌمڪي ڏني ته اسرائيلي هوائي فوج هڪ ڀيرو ٻيهر تهران پهچندي ۽ هن ڀيري حملو ذاتي طور تي خامنه اي تي ڪيو ويندو.
هڪ اسرائيلي اخبار کي انٽرويو ڏيندي ڪاٽز چيو ته هو خامنه اي کي هڪ واضح پيغام ڏيڻ چاهي ٿو ته جيڪڏهن اسرائيل کي ڌمڪيون ڏيڻ جاري رکيو ته سندن جهاز ٻيهر تهران پهچندا ۽ هن ڀيري اهو ذاتي طور تي توهان تائين پهچندو.
اها ڌمڪي ايران سان 12 ڏينهن جي جنگ جي تناظر ۾ ڏني وئي هئي، جيڪا 13 جون تي اسرائيل پاران ايران جي فوجي ۽ ايٽمي سهولتن تي حملي کان پوءِ شروع ٿي هئي.
ايران ميزائلن ۽ ڊرون سان جوابي ڪارروائي ڪئي، جڏهن ته آمريڪا ٽن ايراني ايٽمي ٿاڪن تي بمباري ڪئي، جيڪو تڪرار 24 جون تي آمريڪا جي ٽياڪڙي ۾ جنگبندي معاهدي سان ختم ٿيو.- Advertisement -
