اسرائيلي فورسز جي غزه ۾ 151 هين ڏينهن به دهشتگردي جاري، 21 فلسطيني شهيد ۽ ڪيترائي زخمي

اسرائيلي فورسز جي غزه ۾ 151 هين ڏينهن به دهشتگردي جاري آهي، تازن حملن ۾ وڌيڪ 21 فلسطيني شهيد ۽ ڪيترائي زخمي ٿيا آهن. عرب ميڊيا جو چوڻ آهي ته رفح ۾ گهرن تي بمباري ۾ 17، نصيرات ڪيمپ ۾ ٻه فلسطيني شهيد ٿي ويا آهن، الزيتون تي حملي ۾ به ڪيترن ئي ماڻهن جي شهادت جا طلاع آهن. عرب ميڊيا موجب، اسرائيلي فوج جي ڇاپا مار ڪاررواين ۾ 55 فلسطينين کي  گرفتار ڪري اڻڄاتل هنڌ منتقل ڪري ڇڏيو آهي. عرب ميڊيا موجب، 7 آڪٽوبر کان شهيد فلسطينين جو انگ 30 هزار 534 ٿي ويو جڏهن ته 72 هزار کان مٿي زخمي آهن، شهيدن ۾ 13 هزار 430 ٻار ۽ 8 هزار 900 عورتون شامل آهن.