- Advertisement -
پرڏيهي ميڊيا رپورٽس موجب اسرائيلي وزيراعظم جي آفيس طرفان جاري ڪيل بيان ۾ چيو ته نيتن ياهو رفح ۾ عارضي ڪئمپن ۾ ترسيل لکين فلسطينين خلاف وڏي آپريشن جي منظوري ڏني آهي .
غزا ۾ پنجن مهينن کان جاري جنگ سبب تقريبن 23 لک فلسطينين رفح جي ڪئمپن ۾ پناهه وٺي رکي آهي .
ٻئي طرف اسرائيل فلسطيني مزاحمتي تنظيم حماس جي قيد ۾ موجود هزارين ماڻهن جي آزادي لاءِ هڪ ٻيو وفد موڪليو ته جيئن سيز فائر جو امڪان موجود رهي .
گذريل ڏينهن حماس اسرائيل سان ڳالهين لاءِ منصوبو پيش ڪيو هو، جنهن ۾ اسرائيلي يرغمالين جي آزادي عيوض جنگبندي، فلسطينين جي غزا مان واپسي ۽ يهودي فوج طرفان قيد ڪيل فلسطينين جي آزادي شامل آهي .
اسرائيلي وزيراعظم بن يامين نيتن ياهو هڪ ڀيرو ٻيهر پنهنجي هوڏ تي قائم رهندي فلسطين جي آڇ رد ڪري ڇڏي هئي .
گڏيل قومن کانسواءِ امريڪا، برطانيا ۽ ڏکڻ آفريڪا سميت ڪيترائي ملڪ اسرائيل جي رفح ۾ امڪاني آپريشن تي ڳڻتي جو اظهار ڪري چڪا آهن ….- Advertisement -
