اسرائيل جا غزا تي حملا جاري,وڌيڪ 40 ڄڻا شهيد ٿي ويا

اسرائيل جا غزا تي حملا جاري آهن، گذريل 24 ڪلاڪن دوران وڌيڪ 40 ڄڻا شهيد ٿي ويا، غزه جنگ بندي لاءِ دوحا ڳالهين ۾ اهم اڳڀرائي سامهون آئي آهي، حماس ذريعن جوچوڻ آهي پهرين مرحلي ۾ جنگ بندي 42 ڏينهن تي ٿيندي. عرب ميڊيا جوچوڻ آهي ته اتر غزا ۾ پناهگير ڪئمپن تي حملن ۾ عورتن ۽ ٻارن سميت 14 ڄڻا شهيد ٿي ويا جڏهن ته خان يونس ۾ پناهگير ڪيمپ تي ڊرون حملي ۾ 3 ڄڻن شهادت ماڻي. عرب ميڊيا رپورٽن موجب، اولهندي ڪناري جي جنين ڪئمپ تي حملي ۾  3 فسلطيي شهيد ٿيا ۽ ٻارنهن کي گرفتار ڪيو ويو. رپورٽن موجب، اسرائيلي فوج جنين ڪئمپ ۾ بلڊوزر گهمائي رستا تباهه ڪري ڇڏيا، پاڻي جا پائيپ پٽي ڇڏيا. عرب ميڊيا موجب، 7آڪٽوبر 2023 کان هيل تائين غزا ۾ 45 هزار 97 ماڻهو شهيد ٿي چڪا آهن جڏهن ته زخمين جو تعداد هڪ لک 7 هزار 244 تائين پهچي ويو آهي. ٻئي پاسي غزه ۾ جنگ بندي لاءِ دوحه ڳالهين ۾ اڳڀرائي ٿي آهي، حماس ذريعن جو چوڻ آهي ته پهرين مرحلي ۾ جنگ بندي 42 ڏينهن جي هوندي. پرڏيهي خابرو اداري موجب، پهرين مرحلي ۾ غزه ۾ قيد اسرائيلي عورتن ۽ وڏي عمر جي ماڻهن کي آزاد ڪيو ويندو بدلي ۾ اسرائيلي جيلن ۾ قيد سطينين کي آزاد ڪيو ويندو. رپورٽن موجب، پهرين مرحلي ۾ اسرائيلي فورسز غزه جي اولهه واري سرحد تي واپس وينديون، ٻئي مرحلي ۾ غزه مان اسرائيلي فوج جي مڪمل نيڪالي ٿيندي بدلي ۾ غزه ۾ قيد اسرائيلي فوجين جي آزادي ٿيندي. اسرائيلي آرمي چيف جو چوڻ آهي ته غزه ۾ قيد هڪ سئو اسرائيلي قيدين جي واپسي لاءِ حماس تي دٻاءُ وجهي رهيا آهن