- Advertisement -
اسرائيل جي جنين ۽ تلڪرن ۾ هوائي ۽ زميني حملن ۾ وڌيڪ 21 فلسطيني شهيد جڏهن ته ڪيترائي زخمي ٿي پيا ۽ 60 کان وڌيڪ فلسطينين کي گرفتار ڪيو ويو.
غزه ۾ فلسطينين جي تباهه ٿيل علائقن ڏانهن واپسي جاري آهي، 5 لک کان وڌيڪ فلسطيني تباهه ٿيل اتر غزه واپس موٽي آيا، غزه ۾ 15 مهينن کانپوءِ پهريون ڀيرو گهريلو صارفين گيس جي فراهمي بحال ٿي وئي.
ٻئي پاسي اولهندي ڪناري ۾ اسرائيلي فوج جا ظلم ۽ بربريت جاري آهي.
گذريل 24 ڪلاڪن دوران غزه جي اسپتالن ۾63 لاش آندا ويا، 59 لاش عمارتن، ميدانن ۽ روڊن تان کنيا ويا هئا.
فلسطين جي صحت واري وزارت موجب غزه پٽي ۾ شهيد ٿيندڙ فلسطينين جو انگ 47 هزار 417 تائين پهچي ويو آهي.
ٻئي پاسي اسرائيلي وزيراعظم نيتن ياهو ۽ ڊونلڊ ٽرمپ جي وچ اوڀر لاءِ خاص نمائندي وچ ۾ ملاقات ٿي آهي.
اسرائيلي ميڊيا جو چوڻ آهي ته نيتن ياهو ۽ اسٽيووٽ ڪوف آئيندي جي حڪمت عملي تي غور ڪيو، جڏهن ته ٽرمپ جي ايلچي غزه جو به دورو ڪيو.- Advertisement -
