اسٽيٽ بئنڪ وياج جي شرح 22 سيڪڙو برقرار رکڻ جو اعلان

اسٽيٽ بئنڪ وياج جي شرح 22 سيڪڙو برقرار رکڻ جو اعلان ڪيو آهي. اسٽيٽ بئنڪ طرفان نئين مانيٽري پاليسيءَ جو اعلان ڪيو ويو. نئين مانيٽري پاليسيءَ تحت وياج جي شرح 22 سيڪڙو برقرار رکي وئي آهي. جاري ڪيل بيان ۾ چيو ويو ته وياج جي شرح ۾ ڪا به تبديلي ناهي ڪئي وئي، اها شرح ايندڙ ڏيڍ مهيني تائين 22 سيڪڙو تي ئي برقرار رهندي. بيان ۾ چيو ويو ته مارچ 2024ع ۾ ماهوار مهانگائي جي شرح  20 ڏهائي 7 سيڪڙو رهي. اسٽيٽ بئنڪ موجب مهانگائي ۾ گهٽتائي ٿي رهي آهي، مستقبل ۾ وڌيڪ گهٽتائي ٿيندي. گذريل ڀيري ۾ اسٽيٽ بئنڪ وياج  جي شرح 22 سيڪڙو تي برقرار رکي هئي.