افغان حڪومت جي بزدلاڻي ۽ بنا جواز ڪارروائي دوران شهادت ماڻيندڙ ٻارهن ڄڻن جي جنازي نماز ادا

افغان حڪومت جي بزدلاڻي ۽ بنا جواز ڪارروائي دوران شهادت ماڻيندڙ ٻارهن ڄڻن جي جنازي نماز ادا ڪئي وئي. آءِ ايس پي آر طرفان جاري ڪيل بيان ۾ چيو ويو ته شهيدن جي جنازي نماز چڪلالا گيريزن ۾ ادا ڪئي وئي، جنهن ۾ آرمي چيف فيلڊ مارشل جنرل عاصم منير، بچاءِ واري وزير خواجه آصف، وفاقي وزيرن، ڪي پي جي گورنر ۽ سول توڙي فوجي عملدارن شڪرت ڪئي. ان موقعي تي ڳالهائيندي بچاءَ واري وزير خواجه آصف چيو ته پاڪستان جو عوام شهيدن جو قرض آهي، قوم جي هيروز وطن جي دفاع لاءِ جانيون قربان ڪيون، جوانن طالبان ۽ ڀارتي اسپانسرڊ دهشتگردن جي اڳرائيءَ جو ڄمي مقابلو ڪيو. هن چيو ته هٿياربند فوج هر اڳرائيءَ جو منهن ٽوڙ جواب ڏيندي، عوام جي حمايت سان هر سازش ناڪام بڻائي ويندي