افغان حڪومت جي خاطريءَ بعد پاڪستان طورخم سرحد کولي ڇڏي

افغانستان پاران پنهنجي سر زمين پاڪستان خلاف استعمال نه ٿيڻ جي خاطري کانپوءِ پاڪستان طرفان 10ڏينهن کانپوءِ اڄ طورخم سرحد کولي وئي آهي.

ذريعن جو چوڻ آهي ته افغان اختيارين پاڪستاني عملدارن کي خاطري ڪرائي آهي ته سندن سرزمين پاڪستان خلاف استعمال ٿيڻ نه ڏني ويندي.

ذريعن موجب، افغان اختيارين جي خاطري کانپوءِ پاڪستان طورخم سرحد کولي ڇڏي آهي.

 ڪسٽم اختيارين جو چوڻ آهي ته طورم سرحد اڄ کان کولي وئي آهي،  امپورٽ، ايڪسپورٽ سميت ٽرانزٽ گاڏين جي اچ وڃ به اڄ کان بحال ٿي ويندي.

ڪسٽم اختيارين جو چوڻ آهي ته طورخم 10 ڏينهن کان بند هجڻ ڪري ٻنهي طرفن کان هزارين مال بردار گاڏيون بيٺل آهن.

 ايف آءِ اي عملدارن جو چوڻ آهي ته طورخم سرحد پيادل اچ وڃ لاءِ به اڄ کولي وئ آهي.

واضع رهي ته 6 سيپٽمبر تي افغان سرزمين تان جارحيت سبب سرحد کي بند ڪيو ويو هو.