القاعده جي اڳوڻي سربراهه اساما بن لادن جو ويجهو ساٿي گرفتار

پنجاب جي ڪائونٽر ٽيررازم ڊپارٽمينٽ وڏي ڪارروائي ڪندي القاعده جي اڳوڻي سربراهه اسامه بن لادن جي ويجهي ساٿي کي گرفتار ڪري ورتو. سي ٽي ڊي پنجاب جي ترجمان موجب، دهشتگرد امين الحق کي انٽيليجنس بيسڊ آپريشن بعد گرفتار ڪيو ويو . ترجمان جو چوڻ آهي ته گرفتار دهشتگرد امين الحق القاعده اهم ويڙهاڪ آهي جنهن جو نالو گڏيل قومن جي عالمي دهشتگردن جي لسٽ ۾ به شامل آهي. سي ٽي ڊي پنجاب جي ترجمان موجب، دهشتگرد امين الحق جي گرفتاري بعد ڪيس داخل ڪري جاچ شروع ڪئي وئي آهي. سي ٽي ڊي اختيارين جو چوڻ آهي ته سي ٽي ڊي محفوظ پنجاب جي هدف تي عمل ڪري رهي آهي، دهشتگردي جي ناسور کي ختم ڪرڻ لاءِ پرعزم آهي.