اليڪشن ايڪٽ ترميمي بل 2024 آئين ۽ قانون جي ڀڃڪڙي آهي: بئريسٽر گوهر

تحريڪ انصاف اليڪشن ايڪٽ ترميمي بل خلاف عدالت ۾ وڃڻ جو اعلان ڪري ڇڏيو، بئريسٽر گوهر جو چوڻ آهي ته اليڪشن ايڪٽ ترميمي بل آئين ۽ قانون جي ڀڃڪڙي آهي،  ميمبرن کي به خبر ناهي ته ڪهڙي قسم جي قانونسازي ڪئي پئي وڃي، سازش تحت تحريڪ انصاف جي ميمبرن کان چونڊ نشان کسيو ويو، نئين قانونسازي ذريعي عدالتي فيصلي کي ختم ڪرڻ جي ڪوشش ڪئي پئي وڃي. قومي اسيمبليءَ ۾ خطاب ڪندي تحريڪ انصاف چيئرمين بئريسٽر گوهر خان چيو ته اليڪشن ايڪٽ ترميمي بل آئين ۽ قانون جي ڀڃڪڙي آهي. سندس چوڻ هو ته ميمبرن کي به خبر ناهي ته ڪهڙي قسم جي قانونسازي ڪئي پئي وڃي، سازش تحت تحريڪ انصاف جي ميمبرن کان چونڊ نشان کسيو ويو. تحريڪ انصاف چيئرمين بئريسٽر گوهر خان چيو ته نئين قانونسازي ذريعي عدالتي فيصلي کي ختم ڪرڻ جي ڪوشش ڪئي پئي وڃي، هو هن قانون سازي کي سپريم ڪورٽ ۾ چئلينج ڪندا. هن چيو ته هنن مخصوص سيٽن بابت اليڪشن ڪميشن کي چار درخواستون ڏنيون، نامزدگي ڪاغذ جمع ڪرايا ته سازش تحت چونڊ نشان کسيو ويو. تحريڪ انصاف چيئرمين بئريسٽر گوهر خان چيو ته اليڪشن ۾ کين هارائڻ جي ڪوشش ڪئي وئي پر هنن اڪثريت سان ڪاميابي ماڻي، پارليامينٽ سپريم ضرور آهي پر تشريح جو اختيار سپريم ڪورٽ کي آهي.