- Advertisement -
امريڪا دعويٰ ڪئي آھي ته اسرائيل جا ميزائيل ايران جي شھر اصفھان جي فوجي اڏي تي لڳا آهن، جڏھن ته ايران ميزائيل حملن جي ترديد ڪئي آھي.
امريڪي ترجمان موجب، اسرائيلي ميزائيل ايران جي شھر اصفھان جي ويجھو فوجي اڏي تي لڳا، جڏهن ته اسرائيل جو حملو انتھائي محدود حد تائين ھو.
ٻئي پاسي ايراني ترجمان اسرائيل حملي جي ترديد ڪندي چيو ته اصفھان ۾ ڪو به ميزائيل حملو ناھي ٿيو.
ايران جي سينيئر ڪمانڊر جو چوڻ هو ته رات جي وقت حملي سان ڪو به جاني نقصان ناھي ٿيو.
ايراني ترجمان سائبر اسپيس سينٽر جو چوڻ ھو ته اسرائيل جي ميزائل حملي جو ھن وقت تائين اطلاع ناھي مليو، اصفھان جي ھوا ۾ 3 ڊرون تباھھ ڪري ڇڏيا آھن.
عالمي ايٽمي ايجنسي به بيان ۾ چيو ته ايراني ايٽمي کي ڪو به نقصان ناھي پھتو، صورتحال جو ويجھي کان مشاھدو ڪيو پيو وڃي.
عالمي ايٽمي ايجنسي ڌرين کي صبر جي اپيل ڪندي چيو آھي ته ايٽمي طاقت کي ڪو به فوجي تنازعات ۾ نشانو ٺاھڻ نه گھرجي …….- Advertisement -
